வல்லினம் - கலை, இலக்கிய இதழ் | Vallinam

இதழ் 14
பிப்ரவரி 2010

கவிதை
இளைய அப்துல்லாஹ்


	நேர்காணல்: பகுதி 2 "இது வரைக்கும் நான் விலை போகவில்லை" பி. உதயகுமார் பத்தி: நான் பார்த்த இளையராஜா அகிலன் காற்றின் மொழி வீ. அ. மணிமொழி 2009-ன் ஆண்டின் சில நினைவுக்குறிப்புகள்… கொஞ்சம் தாமதமாக சு. யுவராஜன் தும்பி ம. நவீன் கட்டுரை: தாமரை ஜெயந்தி சங்கர் சிறுகதை: குரல் சீ. முத்துசாமி ஊமைகளின் உலகம்..! குரு அரவிந்தன் மறுபிறவி கிரகம் துளசிப்பாட்டி க.ராஜம்ரஞ்சனி தொடர்: எனது நங்கூரங்கள் ...7 இளைய அப்துல்லாஹ் நடந்து வந்த பாதையில் ...2 க‌ம‌லாதேவி அர‌விந்த‌ன் கவிதை: இளங்கோவன் மொழிப்பெயர்ப்புக் கவிதைகள் ...4 சு. யுவராஜன் தர்மினி தினேசுவரி பா.அ.சிவம் இளைய அப்துல்லாஹ் மன்னார் அமுதன் ரேணுகா சிறப்புப்பகுதி: மலேசியத் தமிழ் எழுத்தாளர் சங்கம் - ஒரு பார்வை புத்தகப்பார்வை: 'சிதைவு'களோடு 'தேம்பி அழாதே பாப்பா' எம். ரிஷான் ஷெரீப்

என்னோடு உறங்கும் பூனை

பாய்ந்து வந்து என்னோடுதான்
அது உறங்குகிறது.

எனது படுக்கையில்
எனது அருகாமையில்
என்னை விட்டு அகலமாட்டேன் என்கிறது

பூனையின் முடிகள் சுகமானது
அதன் கழுத்தில் ஒரு தாலி கட்டி
அழகு பார்த்தேன்

பூனையின் தாலி என்னை குத்துகிறது
விலக மறுத்த பூனை
பல வருடங்களாக என்னோடேயே இருக்கிறது

எனக்கு வலிக்கிறது என்பது
பூனைக்கு தெரிகிறதாயினும்
என்னோடுதான் உறங்குகிறது தினம்

அடம் பிடித்து அப்புறபப்படுத்த
முடியாமைக்கு தாலி இருக்கிறது

ஒரு வேள்வி போலத்தான்
பூனைக்கும் எனக்குமான உறவு
அது எப்பொழுது மாறிப்போனது
என்று நினைவில்லை

அழகிய பூனை அது
நிறைந்த மயிர் அதுக்கு
மயிரால் உராயும்
போதெல்லாம் சுகம்

அடங்க மறுக்கிறது பூனை
சில வேளைகளில் அது அத்து மீறுகிறது

ஆனாலும் பூனை
எங்குமே போக விடாத படிக்கு
என்னோடு உறங்குகிறது

கால்கள் பின்னிக்கிடக்கும்
போதெல்லாம் என் கால்களை
அது சொந்தமாக்குகிறது
பூனைக்கு எனது வலியில்
ஒரு சிரிப்பிருக்கிறது.

உங்கள் கருத்து/எதிர்வினை மற்றும் படைப்புக்களை
editor@vallinam.com.my என்ற மின் அஞ்சல் முகவரிக்கு அனுப்பவும்