| முகப்பு | கடந்த இதழ்கள் | வல்லினம் பதிப்பகம் | ஆசிரியர் குழு | எங்களைப் பற்றி | தொடர்புக்கு |
இதழ் 27
மார்ச் 2011
சபரிநாதன்
தேடல்
இயற்கை
என் எத்தனையாவது தேடலிலும்
அறிவு தராத ஞானம்!
கடல் நீரையெல்லாம்
திருடிக்குடிக்கும் மேகம்;
திருடிக்கொண்டதை
மீட்டெடுக்கும் வனம்;
மீட்டெடுத்ததை
திருப்பிக்கொண்டோடும் நதி;
வழியில் பங்கிட்டுக்கொள்ளும்
வயல்கள்;
வருங்கால வளத்திற்கு
சேமிக்கும் ஏரி...
நிழலின் நிஜமாய்
நிலவு!
திடமானாலும்
மூழ்காத பனிமிதவை!
கடிதத்தில் காதலை
சொல்லாத பறவை!
பகல் இரவின் சமநிலை!
வளர்ச்சியிலும்
வீழ்ச்சியுறும் இலைகள்!
ராகங்கள் திருத்தாத
குயில் இசை!
எப்படி இத்தனை அழகு
இயற்கையில் மட்டும்!
தெரிந்தால் யாராவது
ஏதோ ஒரு பக்கத்தில்
எழுதிவையுங்கள்;
புரியாவிட்டாலும்
மனனம் செய்கிறேன்!
editor@vallinam.com.my என்ற மின் அஞ்சல் முகவரிக்கு அனுப்பவும்
வவல்லினம் - கலை, இலக்கிய இதழ் | Vallinam - A Magazine
For Arts And Literature
© vallinam.com.my | All Rights Reserved.
2010. | Designed by CVA | Best View in : Mozilla Firefox | Best
resolution : 1024 X 768/span>