|
|
|
கச்சை விலை
புரட்சியினால்
கச்சை விலை அதிகரித்துவிட்டதென
உறவுக்காரப் பெண்
புகார் செய்தாள்.
முலைகளோடு இருப்பதுபற்றி
எனக்கொன்றும் தெரியாததால்
கச்சையின்றி நடமாட
கட்டாயம் முடியும்.
எஸ்குய்புலாஸ் கிராமத்துப் பக்கம்
வசிக்கும் நண்பன் ரஃபேல் கோர்டோவா
சொன்னான்,
முன்பெல்லாம் சாலையில் 4,5,6,8 என்று
நாளும் பிற்பகலில்
சின்னஞ்சிறு பெட்டிகளில்
குழந்தைகளின் பிணங்கள் நகருமென்று
அதென்னவோ பெரியவர்கள் மட்டும்
அதிசயமாய்ச் சாகவில்லை.
சற்று முன்
நண்பனைப் பார்க்க வந்த
எஸ்குய்புலாஸ் வெட்டியான்
'டாக்டர், நான் வந்தது சிறிய உதவிக்காக
எனக்கு வேலை போய்விட்டது
இப்பொழுதெல்லாம் எஸ்குய்புலாஸில்
பிணங்களே கிடைப்பதில்லை' என்றான்.
முன்பு
மார்புக் கச்சைகள்
விலை மலிவு.
இப்பொழுது
பிணங்கள் கிடைப்பது
அரிது.
நீங்களே சொல்லுங்கள் எது சிறந்ததென்று.
|
|