இதழ் 32
ஆகஸ்ட் 2011

கல்லில் வழியும் கனவுகள்

வெடித்துத் திறக்கும்
வெயிலேறிய பாறைகளில்
கால் விரித்துப் படுத்திருக்கிறாள்
சேனை

வழியும் வியர்வையின்
வாசனை
அருவருப்பின் ஆதிக்கு
இழுத்துச் செல்கிறது

உடலெங்கும் அலையும் கரங்கள்
நகத்தடங்களை விட்டுப்போகின்றன

குருதி கோடிட்ட உடல்கள்
மறைந்திருக்கும்
கேமராவில் தெளிவாக விழுந்திருப்பதை
பிறிதொரு நாள் பார்க்கும்போது

சேனை இறந்திருப்பாள்
என்றோ
கொன்றிருப்பாள் என்றோ பதில்க்களைக்
கொடுத்தார்கள்
இறந்திருப்பாள் என்பது கொஞ்சம்
நிம்மதியைத் தருகிறது.

வல்லினம் - கலை, இலக்கிய இதழ் | Vallinam - A Magazine For Arts And Literature
© vallinam.com.my | All Rights Reserved. 2011.  |  Designed by CVA | Best View in : Mozilla Firefox |  Best resolution : 1024 X 768