இதழ் 33
செப்டம்பர் 2011

என் புருசனும் கச்சேரிக்கு போன கதை

சாகுபடிகளை சுருக்கினோம்
காலமாற்றங்களுக்கேற்ப
வணிக பயிருக்காக வயல்களை உருமாற்றி
வைக்கோல் போர்விற்று
களத்துமேட்டை காங்கிரட் வீடாக்கி
பழகினோம் பாக்கெட் பாலுக்கு

வயல் சூதாட்டக் களமாகிட
வாழ்வு உத்திரவாதமற்றிருக்க
உருவிய கோவணங்களை கரித்துணியாக்கி
வழியனுப்பினர் வண்ண ஜட்டிகளோடு
தொழிற்பூங்காவிற்கு...

டியூப்களில் அடைக்கப்பட்ட மருந்தானது
சுருக்கப்பட்ட எங்களின் காலம்
பசியற்றிருக்க சாப்பிட்டும்
ஊர்தூங்க விழித்திருந்தும்
சம்பாதித்துக் கொண்டிருக்கிறோம்
அரிசியும் வாங்க...

வல்லினம் - கலை, இலக்கிய இதழ் | Vallinam - A Magazine For Arts And Literature
© vallinam.com.my | All Rights Reserved. 2011.  |  Designed by CVA | Best View in : Mozilla Firefox |  Best resolution : 1024 X 768