இதழ் 34
அக்டோபர் 2011

நாமென்ன மனிதர்களா...

இறந்த காக்கையின்
இறக்கையுடைத்து கண்களைக் கட்டி
ஏந்திய தராசோடு நின்றிருந்தது மயில்
கம்பீரத்தோடு மையமிட்டிருந்தன
யானையும் சிங்கமும்
பிரதேசத்தின் பிற ஜீவராசிகள்
கும்பல் கும்பலாய் குழுமியிருக்க
குற்றவாளியாக சிறுத்தைகள்
வனம் தாண்டிய வேட்டைக்காக
கொன்று பகிர வேண்டுமென
சிங்கம் தீர்ப்பளிக்க
பெரும் நிசப்தமானது வனம்

கண் மறைப்பை பிய்த்து
தராசை தூக்கியெறிந்தது மயில்
வெட்கம்கெட்ட விலங்குகளே
நாமென்ன மனிதர்களா
கொலை தண்டனையிட
மன்னிப்பதே நம் மாண்பென்றது
பறவைகள் மகிழ்வை
இசைத்துச் சென்றன...

வல்லினம் - கலை, இலக்கிய இதழ் | Vallinam - A Magazine For Arts And Literature
© vallinam.com.my | All Rights Reserved. 2011.  |  Designed by CVA | Best View in : Mozilla Firefox |  Best resolution : 1024 X 768