| முகப்பு | கடந்த இதழ்கள் | வல்லினம் பதிப்பகம் | ஆசிரியர் குழு | எங்களைப் பற்றி | தொடர்புக்கு |
இதழ் 36
டிசம்பர் 2011
ந. பெரியசாமி
தவளைக்கு சிக்கிய
மீன்...
தூண்டிலிட்டது
குளக்கரையிலிருந்து தவளை
நீர் அதிர சிரித்தது
சிக்கிய மீன்
எனை பிடித்தென் செய்வாய்?
ஏளனம் தரையில் வழிந்தது
மனித வசிப்பிட சிறையிலடைப்பேன்
அங்கு உன் பெயர் தொட்டிமீன்
சிரார்கள் உணவிடுவார்கள்
தாளில் பிறப்பித்த மீனை
துணைக்கு மிதக்கச் செய்வர்
கழிவில் கசடான நீரை
மறவாது மாற்றம் செய்வர்
உனது வளர்ச்சிக்கு உண்டங்கு ஊசி
பெருமையின் அடையாளமாவாய்
வந்து போவோரெல்லாம்
வேடிக்கையில் மகிழ்வர்
ஒளிரூட்டி உனை கதகதப்பாக்குவார்கள்
ஒத்துப்போக ஓடித்திரியலாம்
முரண்கொள்ள செத்துமிதப்பாய்
வீசி எறிய வேரொன்று இடம் நிரப்பும்
என்றாவது விடுவிக்கவும் படலாம்
வதை என்பதறியும்
சிசு அவதரிக்க...
editor@vallinam.com.my என்ற மின் அஞ்சல் முகவரிக்கு அனுப்பவும்
வல்லினம் - கலை, இலக்கிய இதழ் | Vallinam - A Magazine
For Arts And Literature
© vallinam.com.my | All Rights Reserved.
2011. | Designed by CVA | Best View in : Mozilla Firefox | Best
resolution : 1024 X 768