| முகப்பு | கடந்த இதழ்கள் | வல்லினம் பதிப்பகம் | ஆசிரியர் குழு | எங்களைப் பற்றி | தொடர்புக்கு |
இதழ் 37
ஜனவரி 2012
ம. நவீன்
பூச்சாண்டி
சின்ன வயதில்
சாப்பிட மறுக்கும் மாயாவிடம்
பூச்சாண்டி வருவான் என
சொல்லிவைத்தேன்
எப்போதுமே வராத பூச்சாண்டியின்
பயம் தெளிந்ததும்
மாயாவிடம் பூச்சாண்டியின்
உருவம் குறித்து
விளக்கவேண்டியிருந்தது
பூச்சாண்டி கருமையானவன்
நரி கண்கள் உள்ளவன்
கூறிய பல்லில் எப்போதுமே ரத்தம் சொட்டும்
என்பதாக
மாயாவுக்கு பயத்தையும் இணைத்தே ஊட்டினேன்
வாசல் பக்கம் வராத பூச்சாண்டியை
நம்ப மறுத்த மாயாவுக்காக
குசினி பக்கம் சில உருட்டல்
சத்தங்களை உருவாக்கி வைத்தேன்
பூச்சாண்டி சப்தங்கள் மட்டுமே எழுப்புவான்
நேரில் வரமாட்டான்
என நம்பிய அவளுக்காக
நானே பூச்சாண்டியாகவேண்டியிருந்தது.
கறுப்பு நிற போர்வைக்குள்
சப்தமிட்டபடி அவள் பார்வைபட
உலாவ தொடங்கினேன்.
சில நாட்களிலெல்லாம்
மாயா பூச்சாண்டியை எதிர்க்கும்
தேவதையாகக் கற்றுக்கொண்டாள்
ஒரு வெள்ளை துணியை சுற்றிக்கொண்டு
சாப்பிட மறுக்க ஆரம்பித்தாள்
நான் தொடர்ந்து மாயாவுக்காக
பூச்சாண்டியாக வேண்டியிருந்தது
அவள் பூச்சாண்டியினால்
தேவதையாக உலாவுவதால்.
editor@vallinam.com.my என்ற மின் அஞ்சல் முகவரிக்கு அனுப்பவும்
வல்லினம் - கலை, இலக்கிய இதழ் | Vallinam - A Magazine
For Arts And Literature
© vallinam.com.my | All Rights Reserved.
2012. | Designed by CVA | Best View in : Mozilla Firefox | Best
resolution : 1024 X 768