இதழ் 39
மார்ச் 2012

சூழ்ச்சிக் கருவும், வஞ்சக வரிகளும்

கூர்மையான கத்தியோடு
என் முதுகு நோக்கி
பின் தொடர்கிறாய்
புன்னகையோடு

வேல் இருப்பது தெரிந்தும்
வேலியில்லாமல்
நானும் உன்னோடு
பயணிக்கின்றேன்
புன்னகையோடுதான்

காணும்போதெல்லாம்
காந்தச்சொற்கள் குவிகின்றன
வார்த்தைகளெல்லாம் ஒளிவட்டமாய்
சமயம் பார்க்கிறது
குத்திக் கிழித்து இரணமாக்க

நானும் சிரித்துத்தான் வைக்கிறேன்
கொஞ்சம் மௌனமாய்
கொஞ்சம் சத்தமாய்
அதிகமான எச்சில்களை
துப்பாமல் விழுங்கியவாறு

தோற்றுவிடதாக நீ நினைக்கையில்
வெற்றிக்களிப்புடன்
புன்னகைக்கிறேன் சில நொடி
உன்னை மகிழ்விக்க.

வல்லினம் - கலை, இலக்கிய இதழ் | Vallinam - A Magazine For Arts And Literature
© vallinam.com.my | All Rights Reserved. 2012.  |  Designed by CVA | Best View in : Mozilla Firefox |  Best resolution : 1024 X 768