|
|
|
துலாக் கடிகை
வலிப்புவந்த நோயாளி
வெகுதூரம் நடந்து
வந்து சேர்ந்தார் சுயநினைவோடு.
அழைத்து வந்த முதலாளிக்கு
வைத்தியச் செலவில் நாட்டமில்லை.
தொட்டுப் பார்க்காமல்
நாடி பிடித்த மருத்துவர்
இருந்த இடம்விட்டு நகரவில்லை.
கொதித்தெழுந்த முதலாளி
கத்தத் துவங்கினார்
மனிதநேயம் இல்லை
மருத்துவர் சரியில்லை என்று.
0
வந்தவர் போனவர்
கண்டவர் கேட்டவர்
எல்லோரின் எடையும்
சரிபார்க்கப்படுகிறது
வலது கை வைத்திருக்கும்
தராசில்.
ஏந்தியவர் மட்டும்
எஞ்சி நிற்கிறார்.
சுற்றியிருப்போரெல்லாம்
பரிசுத்தமாயிருக்கட்டும்.
இம்மையின் இறுதிநாளில்
பரிசீலித்துக் கொள்ளலாம்
நம்மைப் பற்றி.
அதுவரையில்-
நமக்கென்று
ஒரு கடிகாரமும் வைத்திருப்போம்
இடது கையில்.
அதுகாட்டும்
நேரம் மட்டுமே சரியென்று
நம்பியபடி.
|
|