இதழ் 44
ஆகஸ்ட் 2012

வெளியேற்றத்திலிருந்து துவங்குகிறது உட்புகுதல்

தயங்கித் தயங்கி கூடுடைத்தல் பற்றி
சிந்தனை செய்து கொண்டிருந்தேன்

நாய்களும் எறும்புகளும்
அடிக்கடி புகுந்து கொள்கிறது
என் கனவு வீட்டிற்குள்
சித்திரக்குறிப்புகளாய்

0 0 0

ஆமென்

ஒரு நல்ல கவிதைக்கும்
ஒரு மோசமான கவிதைக்கும்
உள்ள வெளியில்
நம்மைக்
கொலையும் தற்கொலையும் செய்கிறேன்
ஆமென்!

0 0 0

பெருந்துயரத்தின் வாடை

கேவலின் கொடுந்தீயில்
உயிரே
ஒருஐஸ் துண்டின் தன்மையில்
மீதகாலம்
மூச்சு முட்டுகிறது
உரையாடலில் வார்த்தைகளில்லை
பெருந்துயரத்தின் வாடை

0 0 0

பசி தீர விரல்கள் வேண்டுமாம்

தலையைக் கழற்றி வைத்துவிட்டு
நடக்கத் துவங்கினேன்
முண்டமாகிய உலகு
கால்களைத் தாங்கிப் பிடிக்கிறது

வல்லினம் - கலை, இலக்கிய இதழ் | Vallinam - A Magazine For Arts And Literature
© vallinam.com.my | All Rights Reserved. 2012.  |  Designed by CVA | Best View in : Mozilla Firefox |  Best resolution : 1024 X 768