வல்லினம் - கலை, இலக்கிய இதழ் | Vallinam

கவிதை

- ந.பெரியசாமி -

பிழை முடிச்சுகள்

சுருக்கம் கொள்வதில்லை
ஊர் என்பது வெறும் பெயர்களோடு
நெடிய வரலாறுகளின்
முடிச்சுகளால் ஆன கூடுகள்
காட்சிகளாகும் சில முடிச்சுகள்
கனவுகளை பரிசளித்து
ஏக்கப் பெருமூச்சுகளை வெளியேற்றும்
போக்க இயலாத ரத்த வாடையால்
உழன்று பித்தாவதும்...
மனிதத்தின் மீது வீழ்ந்த
இழிநிலை எச்ச
முடிச்சொன்று அண்மையில்
அதியமானின் காதல் நெல்லி
ஔவையின் கைகளில் கனியாகி
கலப்புமணம் கொண்ட நீட்சியை பொசுக்கியது

தீ கங்குகளை அடைகாக்கும் மனங்கள்
பெருக்கம் கொண்டு இனி
விழாதிருக்கட்டும்
பிழை முடிச்சுகள்...

உங்கள் கருத்து/எதிர்வினை மற்றும் படைப்புக்களை editor@vallinam.com.my என்ற மின் அஞ்சல் முகவரிக்கு அனுப்பவும் | Back to Top