வல்லினம் - கலை, இலக்கிய இதழ் | Vallinam

கவிதை
ஆறுமுகம் முருகேசன்

மழையெனச் சொட்டும் நிலா மிதக்கும் கடல்

அசைய மறுத்து மிளிரும் முகம்
பைத்தியம் பசிக்கிறது
வாழும் கோடை முன்
என் நீ

பிரிவென்பது பெரும் கோடை
பிரிவென்பது சுனையொத்த அன்பு

பிரிவின் சுவடு அறியுமோ
அறியாதோ
மரண வீட்டில் தீரா மழை

***

மெல்ல வளரும் பேராகாயம்

காற்றின் திசையெங்கும்
மின்னி மின்னிக் கொண்டிருக்கும்
நட்சத்திரங்கள்

வியர்வை நுரைத்த நமது உள்ளாடைகளில்
வழிகிறது
நீந்துதலுக்கான ஸ்டார் குறிப்புகள்

வியாபித்தலின்
பசையறிந்து
சலனமற்றதொரு எளிய அன்பு

***

இன்னும் சொல்வோமேயானால்

உடல் அவிழ்த்துக் கொண்டிருந்தேன்
கொடுநாவின் வாள் கொண்டு

மனம் இறுக்கிக்கொண்டிருக்கிறாய்
தேன் உமிழும் வன்மம்
தொட்டு

***

ஆக

சிறு தொட்டிச்செடியில்
ஒழிந்து கொண்டிருந்தது
எனக்கான ஈரம்

ஒரு பெரும் பூந்தோட்டமே
நிறுவ
முயன்று கொண்டிருக்கிறாய்
நீ

உங்கள் கருத்து/எதிர்வினை மற்றும் படைப்புக்களை editor@vallinam.com.my என்ற மின் அஞ்சல் முகவரிக்கு அனுப்பவும் | Back to Top