பிறப்பற்ற பிறப்பு

சுகத்திற்கு மட்டுமே கட்டில்கள்
ஒதுக்கப்பட்ட பிறகு
தூங்கம் தூக்கு கயிறுகளில்
தொங்கிக்கொண்டிருக்கின்றன

வயிற்றை நிறைத்துக் கொண்டது
போல் மனத்தை  நிறைத்துக் கொள்ள வழியில்லை
அன்பு ததும்பிய நான்கறையும் துருபிடிக்கத் தொடங்கிவிட்டன

இப்போதுதான்
துடிக்கிறது என்னுள் இன்னொரு
இருதயம் .
கண்ணீரை நிரப்பிக் கொண்டு
சிரித்து மழுப்புகிறேன்
சிரிப்பொலியின் சீற்றத்தில் நானே
சாகிறேன்

அசைவுகளில் நான் அசைவற்று
போகிறேன் தினம் தினம் …
இனிமையாய் இனித்திட வேண்டிய தருணங்கள் இயலாமையை மட்டுமே இருத்தி செல்கின்றன

வாழ்வைக் கொத்தித் தின்னும்
கழுகுகள் உள்ளவரை உண்மை கடை விரித்தும் பயனில்லை

கொலை செய்யும் வழுவில்லை எனக்கு
பிறந்து விடு வாழ்ந்து தொலைவோம்
இருவருமாக

1 comment for “பிறப்பற்ற பிறப்பு

  1. Malini
    July 25, 2015 at 9:40 pm

    vaalnthu viduvom varigal miga arumai….nenjam karaigirathu…..

உங்கள் கருத்துக்களை இங்கே பதிவு செய்யலாம்...