தொப்பையைக் குறைப்பது எப்படி?

தொப்பையை குறைப்பது பற்றி இணையத்தில் தேடும்போது இங்கே வந்திருக்கலாம். நானும் எவ்வளவோ செய்து பார்த்தாச்சி இது வேறயா என வாய்விட்டு பேசி, யாருக்கும் தெரியாமல் இதனை நீங்கள் படிக்கத்தொடங்களாம். ஒவ்வொரு மாதமும் இந்த பக்கத்தில் எந்த சர்ச்சயை கண்டுக்கொள்ளலாம் என இங்கு வந்திருக்கலாம். நீங்கள் செய்துக்கொண்டிருக்கும் பயற்சியோ, செய்துக்கொண்டிருக்கும் முயற்சியோ இத்தலைப்பில் ஒத்துப்போகிறதா என பார்க்க இதனை படிக்கலாம். எது எப்படியோ தொடர்ந்து படியுங்கள்.

முதலில் தொப்பை எப்போது பிரச்சனையாகிறது. உடலளலவில் இருந்து வயிறு தனியே வளரும் போதா..? குனிந்து நிமிர சிரமப்படும் போதா..? சட்டை பட்டன் வயிரிடத்தில் மட்டும் இறுக்கமாகும் போதா..? அடிக்கடி கால்சட்டை சில அடி கீழிறங்கும் போதா.?

இக்கேள்விக்கு ஒவ்வொருவரிடமும் ஒரு பதில் இருக்கும். மொத்த பதிலுமே தொப்பை குறித்துதான் சொல்லி முடியும். குறிப்பாக நண்பர் ஒருவர் நம்மை கவனித்து தொப்பை குறித்து சொல்லும் போது சட்டென பிரக்ஞை தோன்றும். அதோடு சொன்னவர் நம்மைவிட வயதில் மூத்தவராய் இருந்து வயிறும் உப்பிடாமல் இருந்துவிட்டால் கேட்டவர்க்கு தூக்கம் போச்சி. தொப்பையை குறைக்க வேண்டி பெரும்பாலும் முயன்று தோற்றவரும் சுலபமாக மெலிந்து காட்டியவரும் நம்மிடையே இருக்கிறார்கள்.

சம்பவம் ஒன்று நினைவுக்கு வருகிறது. மேடை நிகழ்ச்சி ஒன்றுக்கு அறிவிப்பாளராக இருந்தேன். இருக்கமான ஜிப்பா அணிந்திருந்தேன். சில தமிழ் காக்கும் நிகழ்ச்சிகளில் புடவையையும் ஜிப்பாவையும் அணிந்து மட்டும்தான் தமிழை காக்கவேண்டியுள்ளது. பேசி முடித்து மேடையின் பின் புறம் வந்து சிறிது நேரம் ஓய்வெடுத்தேன். பார்வையாளர்களில் ஒருவர்,  அதிக நேரம் கவனித்திருப்பார் போல. தள்ளாடி தள்ளாடி என்னை  தனியே அழைத்து, “தம்பி மேடையில பார்த்தேன் தெரியல ஆன இப்பதான் தெரியுது..உங்களுக்கு இப்பவே லேச தொப்பை வந்திருக்கே….”

பிறகு அடுக்கடுக்காய் அறிவுரைகளையும் ஆலோசனைகளையும் சொல்லிக்கொண்டிருந்தார். அவருக்கும் தொப்பை இருந்ததால் அவரின் அறிவுரைகள் மீது நம்பிக்கை வைக்க முடியவில்லை. ஆனால், தனியே அழைத்து பேசியதில் அவரின் நேர்மை பிடித்திருந்தது. சத்தமாக பேசி மற்றவர் கவனத்தை ஈர்ப்பதைவிட சொல்ல நினைப்பதை சொல்ல வேண்டியவரிடம் சொல்லிவிடுதல் உத்தமம்!

சமீபத்தில் ஏ.ஆர்.ரஹ்மான் மலேசியாவிற்கு வந்திருந்தார். கலைநிகழ்ச்சி. பலரும் அவரை பார்க்க வேண்டும் மேடையில் அவர் பாடும் குரலை கேட்கவேண்டுமென்பதில் எவ்வளவு ஆர்வம் காட்டினார்கள் என்பதை வானொலி போட்டிகளிலும் முகநூல் பதிவுகளிலும் தெரிய வந்தது.

தேசங்கள் கடந்த கலைஞனாகவே ரஹ்மான் இருக்கிறார்.அது விஷயமில்லை.

ரஹ்மான் வந்து சென்றதும், முகநூலில் அந்த நிகழ்ச்சி குறித்து ஒருவர் மகிழ்ந்து எழுதியிருந்தார். அப்பதிவை ஒட்டி சிலர் கருத்திட்டிருந்தார்கள். சட்டென ஒரு ‘தமிழ் புலி’ உள்ளே நுழைந்து ‘என்னவோ சொல்லுங்க ரஹ்மான் தமிழில் ஒரு வார்த்தை கூட பேசாதது என்னமோ எனக்கு சரியா படல.. எத்தனை தமிழங்க அவருக்கா போயிருந்தாங்க…’. நான் அந்நிகழ்ச்சிக்கு போகாததால், ரஹ்மான் குறித்து அவர் சொல்வது குறித்து எனக்கு தெரியவில்லை. ஆனால் அப்பதிவை குறித்து பேசவேண்டியுள்ளது என நினைக்கிறேன். அப்பதிவின் கீழ் என்னால் எதையும் எழுதிட முடியாது. அப்படி ஒருவேளை ஏதேனும் நான் எழுதியிருந்தால் எழுதியதை படிக்காமலும் கருத்தினை புரியாமலும் என்னை திட்டுவதைலேயே இன்பம் காணும் இதயம் கொண்டவர் கூடி கும்மாளம் போட்டிருப்பார்கள். உண்மையை பேசுபவர்களைவிடவும் உடனிருப்பவர்களுக்காக பேசுகிறவர்கள்தான் சில வட்டங்களில் அதிகம்.

இசையை ரசிக்கும் மனம் மொழியையோ இனத்தையோ பாகுபடுத்தி பிரித்து பார்த்திடாது. அவர் தமிழில் பேசவில்லை என்று தன்னை தமிழ் காவலராக காட்ட நினைப்பவர்களின் மனம் ஏதோ ஒரு வகையில் விளம்பர விருப்பத்தால் பாதிக்கப்பட்டிருக்கும். உண்மையில் தமிழராய் பிறந்திருக்க கொடுத்து வைத்திருக்க வேண்டும். ஏனெனில் எளிய வழியில் தனக்குத்தான் தமிழ் பற்று அதிகம் தமிழ்தான் மூச்சி, தமிழ்தான் பேச்சி எனறு கோஷமிட்டு பலரின் கவனத்தை ஈர்த்துவிட்டு பலருக்கு வழிகாட்டியாக தன்னை மாற்றிக்கொள்ளலாம்.

ரஹ்மான் இசையை, திசைகளைத் தாண்டி கொண்டு சென்ற பின்னரும், அவர் தமிழில் பேசவில்லை என்று குறைபடுவதும். சட்டென, இசைக்கான அவரின் உழைப்பை தூசாக்குவதும் என்ன மாதிரியான செயல்.

கேள்விகளை அதற்குரியவரிடம் கேட்பது கூட கலைதான். சரியான வார்த்தைகள் கொண்டு, தகுந்த கருத்தாழத்தோடு உரையாடுவதும் நல்லதொரு கலைஞனின் அடையாளம்தான்.  அதைத்தான் பொதுவில் கொண்டு சேர்க்கவேண்டுமே தவிர ஒரு பக்க கருத்தைக் கொண்டு ஊர் முழுக்க பயணித்தால் காலப்போக்கில் கருத்தும் இருக்காது கருத்திட்டவரும் இருக்கமாட்டார். அனால் அதன் பாதிப்பு மட்டும் கலை மனதில் வலியாய் தன்னன பதிவு செய்திருக்கும். பின்னர் ஒரு சமயம் இச்சமூகம் அவ்வலியை தானும் உணரும் நேரம் வரும்.
தள்ளாடி தள்ளாடி வந்து தனியே அழைத்து கேட்டவருக்கு இருந்த கலையுணர்வு கூட இல்லாதவர்கள்தான் கலையையும் கலைஞனையும் பேசியும் எழுதியும் வருகிறார்கள் என்றால். இனி அக்கலை….? ஆகாமலிருக்கட்டும் கொலை.

உங்களின் வயிறு உப்பியிருந்தால்; தொப்பைதான் என்றிருந்தால் கையை வைத்துப்பாருங்கள். உங்களால் ஓட முடிகிறதா, மூச்சிரைக்காமல் மாடிப்படி ஏற முடிகிறதா, குறட்டையின்றி தூங்கி எழ முடிகிறதா. முக்காமல் முணகாமல் காலை கடனை முடுக்கிறீர்களா. ஆமாமென்றால் தொப்பையால் ஒன்றும் உங்களுக்கு பெரிய பிரச்னையில்லை. குறைத்திடலாம். முயற்சித்தும் குறைத்திட முடியாமலிருந்தால், ஆரோக்கியத்தை கெடுக்காத எதுவும் உடனிருப்பதில் எப்போதும் பிரச்சனையில்லை.