வல்லினம் இலக்கியக் குழு இவ்வருடம் இலக்கிய முகாம் ஒன்றை ஏற்பாடு செய்துள்ளது. இந்த இலக்கிய முகாமை ஜா. ராஜகோபாலன் வழிநடத்துகிறார். ஜா. ராஜகோபாலன் கட்டுரையாளராகவும் இலக்கிய விமர்சகராகவும் அறியப்பட்டவர். சங்கப்பாடல்கள், பக்திப்பாடல்கள், நவீன கவிதைகள், சிறுகதைகள், நாவல்கள் என ஐந்து பகுதிகளாக பிரிக்கப்பட்டுள்ள இந்த இலக்கிய முகாமில் எவ்வாறு ஒரு படைப்பை வாசித்து ஆழமாக அறிவது என்பது தொடர்பான பயிற்சிகள் வழங்கப்படும். இந்த முகாமின் பதிவுகள் நிறைவு பெற்றுவிட்ட நிலையில் மொத்தம் 30 பங்கேற்பாளர்கள் கலந்துகொள்வது உறுதியாகியுள்ளது. இந்த முகாமுக்கு ஜார்ச் டவுன் இலக்கிய அமைப்பு இணை இயக்கமாக இணைந்துள்ளது குறிப்பிடத்தக்கது.
