அன்புள்ள நவீனுக்கு,
நலம். மிக்க நலத்துடன் இருப்பீர்கள் என நம்புகிறேன்.
சிறுவர்கள் தங்கள் உலகின் வாயிலில் நின்றபடி, பரிசுத்தமான குட்டி கைவிரல்களால் நம் பெரிய கைகளை அழுத்தமாகப் பற்றி, நம்மை ஓயாமல் உள்நுழைய அழைக்கிறார்கள். நேரமின்மை என்கிற சல்லிசான சாக்கு கூறிக்கோண்டு, சுருங்கி சுருண்ட குழாய் போன்ற அந்த கலைடாஸ்கோப்பினை, நம் அலட்சிய கைகளால் ஒதுக்கி கடந்து செல்கிறோம். மாறாக, நம் ‘பெரியத்தனம்’ என்னும் மன உடைகளை உதறிவிட்டு, அவர்களின் விழிமனப் பாதைக்குள் ஒப்புக் கொடுத்து, அந்த வாயில் வழியாக தடையின்றி நுழைந்தால், முடிவிலா வண்ணக் கலவைகளால் நிறைந்த ஒரு புதிய உலகினை நாம் கண்டு அதிசயிக்க நேரும். இந்த அழகிய தேவ தேவதைகள் வாழ்வின் துளிகளை ‘அதி பெரியவைகளாக’ உருப்பெருக்கி காட்டி நம்மை வியக்க வைக்கின்றார்கள். என் இரண்டு வயது மகன் ரிஷிவர்தனுடன் நான் பழகிப் பெற்று வரும், குழந்தைமை ஆசியளித்த அனுபவங்களை இந்த கதை மூலம் மீண்டும் நான் காண்கிறேன்.
Continue reading →
முகநூலில் வல்லினத்துக்கு எதிராகப் பிதற்றிக் கொண்டிருக்கும் மதியழகன் எனும் நபர், வல்லினத்தின் தோற்றுனரான நவீனையும் வல்லினக் குழுவினரையும் குறிவைத்து பித்துப் பிடித்தவர் போல் எழுதிக் கொண்டு வருவதை இன்று பொறுமையாக வாசித்தேன். பைத்தியங்கள் இப்படித்தான் எழுதுமா? என்று கேட்கும் அளவுக்கு அவருடை முகநூல் எழுத்து எல்லையை மீறி, அவரையே அவர் முட்டாள் எனக்காட்டிக்கொண்டு ஆடும் அளவுக்குச் சென்றுள்ளது. இதில் வேடிக்கை என்னவென்றால் அவருக்கு லைக்கிடும் நண்பர்கள் அவரது குரங்கு சேஷ்டைகள் தொடர வேண்டும் என விரும்பியே உசுப்பேத்துகின்றனர். அவர்களும் பொழுது போக வேண்டும் இல்லையா? ஆனால் குரங்குகளுக்கு தான் ஒரு கேலிப்பொருள் என எப்போதும் தெரிவதில்லை. சிலசமையம் அது குறியைக் காட்டி பொதுவில் மூத்திரம் அடிக்கும். அனைவரும் ரசித்துச் சிரிப்பர். மதியழகன் அதைதான் செய்கிறார். விவாதம் என்ன சுச்சா பெய்கிறார். அதை லைக்கிட்டு ரசிக்கின்றனர்.
